ताप्लेजुङ हेलिकप्टर दुर्घटना , राजकीय सम्मानका साथ आज अन्तिम बिदाईका अधिकारीको अन्तिम संस्कार गरिने
RABINDRA ADHIKARI
संस्कृति, पर्यटन तथा नागरिक उड्ड्यनमन्त्री रवीन्द्र अधिकारीसहित सातजनाको ज्याने गरी बुधवार भएको हेलिकप्टर दुर्घटनापछि बसेको मन्त्रिपरिषद्को आकस्मिक बैठकले आज राष्ट्रियशोक मनाउने निर्णय गरेको हो।
ऊर्जामन्त्री वर्षमान पुनका अनुसार दिवङ्गत मन्त्री अधिकारीको राजकीय सम्मानका साथ अन्तिम संस्कार गर्ने र उच्चस्तरीय छानबिन आयोग गठन गर्ने निर्णय समेत मन्त्रिपरिषद्ले गरेको छ।
यसअघि मन्त्री अधिकारी चढेको हेलिकप्टर पूर्वी नेपालको ताप्लेजुङमा दुर्घटनाग्रस्त हुँदा त्यसमा सवार सबै सात जनाको मृत्यु भएको त्रिभुवन अन्तर्राष्ट्रिय विमानस्थलका प्रमुख राजकुमार क्षेत्रीले पुष्टि गरेका थिए।
एपीवान टेलिभिजनसँग कुरा गर्दै उद्धारमा खटिएको सिम्रिक एयरका पाइलटले आफूले शवहरू देखेको बताएका थिए।
एयर डाइनेस्टीको सो हेलिकप्टरमा चालकसहित सातजना भएको सो हेलिकप्टर कम्पनीका प्रबन्धक बालकृष्ण पण्डितले बताए।
सम्भाव्यता
मन्त्री अधिकारीलाई लिएर सो हेलिकप्टर काठमाण्डूबाट बुधवार एउटा विमानस्थलको सम्भाव्यता अध्ययन गर्न ताप्लेजुङ गएको बताइएको थियो।
त्यहाँबाट हेलिकप्टर प्रसिद्ध तीर्थस्थल पाथीभरा मन्दिरतिर गएको थियो।
हेलिकप्टर दुर्घटना पाथीभरानजिकै भएको स्थानीयवासीहरूले बताएका छन्।
ठूलो आवाज आएको र आगो लागेको सूचना स्थानीय बासिन्दाहरूबाट पाएको प्रहरीले बताएको छ।
हेलिकप्टरमा को को थिए?
- मन्त्री रवीन्द्र अधिकारी
- प्रधानमन्त्रीका स्वकीय सचिव युवराज दाहाल
- नेपाल नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ
- नेपाल नागरिक उड्डयन प्राधिकरणका निर्देशक ध्रुव भोछिभोया
- यति एयरलाइन्सका अध्यक्ष आङ्छिरिङ शेर्पा
- हेलिकप्टरका पाइलट प्रभाकर केसी
- मन्त्री अधिकारीका अङ्गरक्षक अर्जुनकुमार घिमिरे
No comments:
Post a Comment